الأسئلة الشائعة

يعني إيه ONE OF ONE؟

يعني التصميم بيتطبع على قطعة واحدة بس. ولما تتباع، مش بنطبع نفس التصميم على قطعة تانية.

أدفع إزاي؟

تقدر تدفع عند الاستلام أو بـInstaPay. الدفع بالكارت أونلاين هيكون متاح قريبًا.

التوصيل بكام؟

مجاني في القاهرة والجيزة، و100 جنيه لباقي المحافظات. والتوصيل مجاني لكل مصر لو طلبك بـ3,000 جنيه أو أكتر.

طلبي هيوصل إمتى؟

التوصيل بياخد عادةً 2–4 أيام عمل للقاهرة والجيزة، و3–6 أيام عمل لباقي المحافظات. التفاصيل في صفحة الشحن والتوصيل.

ينفع أضيف اسمي أو تصميمي؟

أيوه. ممكن تضيف اسم على المنتجات المتاح تخصيصها بإضافة 150 جنيه، أو تصمّم زجاجتك بالصور واللوجوهات والرسومات من أداة التصميم. شوف التفاصيل في «صمّم على مزاجك».

ينفع أبعت الطلب هدية لحد؟

أيوه. اختار «ابعتها هدية» في صفحة المنتج واكتب رسالتك عشان نطبعها على كارت. وقت إتمام الطلب، اكتب عنوان الشخص اللي هتوصله الهدية. شوف التفاصيل في قسم «هدايا».

ينفع أرجّع أو أستبدل المنتج؟

شوف الشروط والخطوات في صفحة «الاسترجاع والاستبدال».

أحافظ على المنتج إزاي؟

اغسله بإيدك، واستخدم إسفنجة ناعمة عشان تحافظ على الطباعة. ما تحطوش في غسالة الأطباق أو الميكروويف أو الفريزر.

كلّمنا على واتساب